اللہ تعالیٰ کی مخلوق کو سہولت دینے والا شخص کبھی بھی پریشان نہیں ہوسکتا۔ پریشانی ایک ایسی چیز ہے، اگر مال ہے تو سکون نہیں ہے اور اگرمال نہیں تو سکون نہیں۔ اس دور میں لوگ بہت پریشان ہے ۔ کوئی اولاد کے لیے، کوئی مال کے لیے، کوئی اپنے کاروبار کے لیے اور کوئی دین کے لیے، فرمان شیخ الوظائف ’’آج کل ہر کوئی مسائل بتا رہا ہے، مسائل کا حل دینے کے لیے کوئی تیار نہیں‘‘۔ اس لیے حضرت شیخ الوظائف اعمال لوگوں میں بانٹ رہے ہیں تاکہ ان کے مسائل، مشکلات حل ہوں اور وہ سکھی زندگی گزاریں۔ یہ وہی بندہ کرسکتا ہے جس کے دل میں انسانیت کا غم ہو۔ دوسرے اللہ والے بھی لوگوں کی مشکلات حل کرنے کی کوشش میں ہیں لیکن جو درد اور غم شیخ الوظائف پر طاری ہے وہ شاید بہت کم میں ہو۔ آج میں آپ کو شیخ الوظائف کے ہی بتائے ہوئے اعمال میں سے ایک عمل بتاتا ہوں ‘وہ یہ ہے کہ اللہ کی مخلوق کے لیے پانی عام کردینا۔ یہی عمل مشکلات ٹلوادیتا ہے۔ یہ بات مشہور ہے کہ پانی زندگی ہے۔ آپ اگر اللہ کی مخلوق کی ایک اشد ضرورت پوری کردیں گے تو آپ کی پریشانیاں کیسے نہیںحل ہوں گی۔کچھ روز قبل شیخ الوظائف درود محل تشریف لے گئے‘(درود محل‘ سگیاں روڈ لاہور پر ہے) وہاں پر چونکہ عید الاضحی کی وجہ سے مویشی منڈی لگی ہوئی تھی تو اُدھر شیخ الوظائف نے بیوپاریوں کے لیے سہولت کے لیے پانی کی سبیل لگوائی اور یہ نہیں کہ اسی سال شروع کی یہ سلسلہ گزشتہ کئی سالوں سے جاری ہے اور وہ لوگ بہت خوش رہتے ہیں اور دعائیں دیتے ہیں اور کہتے ہیں کہ مویشی منڈی میںجگہ جگہ پانی فروخت ہورہا ہےاور آپ ہمارے لیے اور ہمارے جانوروں کے لیے اتنی سہولت دے رہے ہیں اور پانی کے ساتھ ساتھ شیخ الوظائف نے موبائل کی چارجنگ کا نظام بھی بنوایا تاکہ ان کو اپنے کاروبار اور پیچھے گھر میں رابطے کے لیے سہولت رہے کیونکہ مویشی منڈی کے اندر بجلی کا تو انتظام ہوتا نہیں۔ لوگ کہتے ہیں کہ حکیم صاحب کے پاس سونابنانے کا نسخہ ہے وہ نسخہ یہی ہے کہ مخلوق خدا کے لیے خیر اور سہولیات عام کردو پھر دیکھو مشکلات، پریشانیاں، دکھ مسائل آپ کے پاس سے بھی نہیں گزریں گے۔
پانی پلانے کا اجَر حدیث مبارکہ کی روشنی میں
نبی کریم ﷺنےارشاد فرمایا: جس نے کسی مسلمان کو ایک گھونٹ پانی وہاں پلایا جہاں پانی عام مِلتا ہو اس نے گویا غلام آزاد کیا اور جس نے مسلمان کو وہاں ایک گھونٹ پانی پلایا جہاں پانی نہ مِلتا ہو اس نے گویا اسے زندگی بخشی۔(ابن ماجہ،ج3،ص،177، حدیث: 2474)